Raja Bilher Marpaung [sian tonggo-tongo ni ompu parjolo]
Sahala ni ompunami, Singamangaraja,
singa ni harajaon, singa ni uhum,
singa ni adat dohot singa ni patik.
Dison hami marpungu angka siminikmu,
marpungu, marsada ni roha di adopan ni sahalam.
Ho do raja na pinarsahalaan ni Ompunta Mulajadi,
Na siat marpangidoan, raja hatorusan,
hatorusan ni sahala, hatorusan ni badia.
Songon udan nene,
patektekhon di hami sahala dohot badianami.
Marbungaran do harajaonmu,
di tongatonga ni halak Batak,
dohot na humaliang di banua on.
Parsahalai ma hami jala parbadiai,
asa marjujungan songon dolok,
marbanggua songon rura, poda dohot tonami,
jala marparbue tinoto ni hatigoran,
na mangkorhon habonaron gabe tu parhorasan.
TanoBatak 