Monang Naipospos
Ragam pangantusion di hata on, hombar tu pangulahonna ma.
EABATI=kunjungi. Mandapothon sada inganan (tempat) manang halak (orang)
MANGEBATI=mengunjungi. Marlapatan mangulahon sada ulaon mandapothon sada inganan manang halak.
PAEBATHON=Mengerahkan seseorang mengunjungi. Manguluhon sada ulaon mangarahon sada hakan mandapothon inganan manang halak.
DIPAEBAT=Orang yang dikerahkan mengunjungi. Jolma naniarahon mandapothon inganan manang halak.
MEBATEBAT=Orang yang bergerak bersama kelakukan hunjungan, ayang mengarahkan dan yang diarahkan. Hakal napaebathon dohot naniebathon rap mangulahon.
Ise do nasomal dipaebat? Parumaen naimbaru tu adopan ni natorasna dohot posoposo tu adopan ni ompung bao.
Parumaen naimbaru nunga marimbar langkana mandapothon natorasna. Sala do i dohonon “mulak”. Dungi muse molo sai ditopot pe natorasna, mangebati huta ni damang/dainang do dohononna. Molo hela, manopot huta ni simatua ma dohononna. Molo rap dohot boru na mebat ma goarna.
Na tu hutana do dohonon hata mulak. Parumaen dohot anak, na mulak do i sian pardalananna mandapothon hutana.
Langka parjolo mebat i, somalna dibagasan adat do. Ndang siala ni balgana, metmet pe i gok do adatna. Sai didongani natorasna do nasida namebat i. Didok ma natorasna i na paebathon, namarsaripe naimbaru i ma na mebat. Namebat dohot napaebathon i ma na mebatebat.
Ndang sundat rumatangga naimabru mebat, molo tung so adong be natorasna, dang adong haha anggina. Nasida nadua pe, langka parjolo i didok do mebat. Tung sada manung pe adong diboan sisigaton ni natorasna, gok do adat mebat disi.
Di angka namora, sai adong do i mangudurhon dongan tubu. Torop na ro torop ma nanidapot.
Somalna molo ulaon unjuk alap jual do didok mebat. Molo ulaon taruhon jual nang pe na mebat do alai paulak une ma didok.
Molo napaebathon posoposo, dipaabinghon ma posoposo i tu ompungan, tlangna molo so mangolu be ompungna. Digotap ma saotik obukna, ima nidokna mamupus. Dibursikma ombutombutna dungi ditopap nanget, ima muse nanidokna natumopap sambubu.
Di angka na adong artana, olo do dilehon ompunna hauma tu posoposo i.
TanoBatak 