Monang Naipospos
Sai adong dope sungkunsungkun; “Taringot tu namangadati, dohot gok ni adat parsaripeon”
Huleon hatorangan na jompok;
Namangadati pe ragam do pangantusion ni jolma nuaeng on.
Na ingkon ribur do di rohana dohot pangantusionna unjuk mangajana asa didok namangadati, manang naung dibagasan adat.
Ingkon radak juhut, marabur olopolop, jala boi marhujingjang, jala sakompi pangulosi, dihara saluhut natinandana angkup ni sisolhot, asa adat na gok.
Alai tangkas ma taboto, dang sarupa suhat ni parngoluon ni jolma. Molo dung dos roha ni paranak dohot parboru di parsaripon ni gellengna, naung hot do adat ni i, ai holong do ojahanna.
Molo mardos ni roha sama napogos pahot parsaripeon ni gellengna, ndang tarbahenna songon binahen ni angka namora, dang boi suhaton ni namora i na so gok dope adatna.
Tung sada pe ulos holan sian parboru, sada dengke, jala holan sada manuk marangkup gulamo dohot indahan marangkup gadong diparade paranak, jala dijabu adatna, na so jadi suhaton ni namora parsaripeon na so maradat
Mangembalhon gajut ma goar ni i. Jala gok do adat i saleleng dang masisaritaan paranak dohot parboru.
Jadi nahudok dison, hot parsasipeon i dipahot natorasna be. Gora di onan pe hararat ni barita parsaripeon i, ditampin angka napantas marroha do i parsaripeon na gok pasupasu dibagasan adat na gok.
Santabi di angka raja adat masa saonari. Ingot, Ompunta nahinan dang sude i namora. Unang ala naung mamora sude halak hita nuaeng (asing ni au) gabe dibahen hamu napinamasamuna i gabe pator ni adat sipaihutihuton.
Unang naganjang bahen hamu manuhat najompok.
TanoBatak 