Monang Naipospos
Halak na holit marsilehon-lehon digoar do i sigotil monis. Tung unang mangalehon tu donganna, laho panganonna pe sai matua diholting do asa godang papunguonna. Halak na burju marsilehon-lehon didok do i parasi-asi. Tung unang adong nian dirohana na anturaparon dilambungna, sai dipardua do na adong dipangananna i tu donganna asa rap butong sude. Lanjutkan membaca “NION AMBASANG …”
Monang Naipospos
Di halak Batak molo dung marumur naganjang, torop pinomparna nunga tardok i naung saur matua. Tung so haru namora pe ibana ndang pangalaongi be i tu hadirionna so didiok naung saur matua. Molo titir do muse parpinomparonna, ndang adong na dipajolo (mate) ianakkonna, adong muse haduamaonna jala burju pangalahona didok ma i na mauli bulung. Molo angka parsitaonon do ibana, agan pe naung marnini marnono, ianggo adong dope sisarihonon tinubuhonna sari matua dope didok sisongon i. Lanjutkan membaca “JAGAL SAUR MATUA”
Monang Naipospos
Tung hira so tarpasiding do so tangis molo dung ro hamatean lumobi di angka na hinaholongan. Ianggo najolo radot do angka natuatua mamutihi hata andung hombar tu dirina dohot na marujung ngolu i. Sipata tung lengen do pinggol umbegesa sian anit ni angka hata pandohanna sipata boi mambahen ro ilu ni na maningkir. Lanjutkan membaca “ANGGUK BOBAR”
Nonang Naipospos
Didok natuatua, tubu jolma mangihut bangkona. Didok muse do, tumburna jadi torasna, torasna jadi pangkona. Ima tudosan ni jolma na sai mamboan hasomalanna sian sihaetehon sahat tu na magodang jumadi bangko, manang hasomalan. Lanjutkan membaca “HODA BEGU AHA I …”
Monang Naipospos
Uju rongking paradongan olo do dadapdadap tangan tu toru ni rere, japajapa langka tu balian ni huta, jorhujorhu hata tu dongan sahuta, anggiat adong ninna roha na boi patukhon na sungkot dabudabu i. Molo adong namora di hutana i, olo ma i mangudut gonting ni ngolu di natorop. Ido umbahen ditonggohon natuatua najolo asa tubu anak natau gabe raja urat ni uhum, namora urat ni hosa.
Penulis : Monang Naipospos
Ringkot do angka na naeng marsaripe jolo masitandaan di roha dohot pangalaho. Molo holan haulion ni rupa do idaon olo do muse tata roha dung tarida hurang denggan ni pangalaho. Songon i do nang molo holan sian na marnida sinadongan manang hamoraon.
Penulis ; Monang Naipospos
Bangko ni jolma nateal, sai dihatahon do hasurunganna tu donganna manghatai, alai dung ditangkasi, gumodang do na ditambai hatana i. Bangko ni halak nateam, sai didok do mura apala luhut, alai dung jumpang tingkina di tohapna, gapogapo ma ibana songon na mangallang namohop, ngaknguk mandok hatana.
Penulis ; Monang Naipospos
Tiruan nadenggan do pangalaho ni Aman Sorta di humaliang hutana, suang songon i do nang di angka pardonganonna, sai palilung nadenggan do godangan sian ibana. Lam tamba ma gok ni rohana dung adong muse anakna tinodohon ni boruna i, dibahen ma goar ni anakna i si Elon. Songon amangna i do nang pangalaho ni si Elon, ai nunga disuan amangna hian di ibana roha nadenggan dohot roha pintor di angka pangalaho dohot pambahenan.
Penulis: Monang Naipopos
Uju masa haugahan masurbu onan (pasar) Senen di Jakarta godang do angka partigatiga marsak ala suda boniagana. Alai munar do pangkorhonna di Ama ni Pongot. Tutu martigatiga do ibana disi alai rengge-rengge do boniagana. Dung mintop sipusipu, ro do deba angka partigatiga i mangalului turtur ni ugasanna, alai godang do na laos didoloshon rohana ndang ro ala dokdok ni rohana di namasa i.
Penulis; Monang Naipospos
Busiason do Raja Pangambe mamereng pangalaho ni jolma di luatna, na so tupa adong be na gabe sihalashonon ni roha hombar tu patik ni adat dohot uhum habatahon. Dibereng ibana jolma napinajolo gabe raja uluan, gabe dipangus do ngolu ni natorop, tung digora pe ibana di hahuranganna i, nunga paula so dibege, nengel ma ibana di harajaonna i.
TanoBatak 